Meze me speca dhe sallam

Përbërsit

4 domate

4 – 5 speca me ngjyra të ndryshme ose jeshile

500 gr sallam

1 lugë kafeje piper i kuq

1 lugë kafeje piper i zi

1 lugë kafeje rigon

kripë

Përgatitja

Presim sallamin në çopa sipas dëshirës. Specat i presim në rripa kurse domatet i grijmë në blender. Nxehim kusinë në temperaturë të mesme (180 °C)

Vendosim të parin sallamin të skuqet në vajin që ka vetë.

Pasi ka marë ngjyrë të kënaqshme hedhim specat dhe i skuqim dhe ato në vajin e sallamit.

Kur të jenë pothuajse të skuqura hedhim domaten e grirë, piperin e kuq, piperin e zi dhe kripën.

Nuk hedhim ujë.

Vendosim kapakun, ulim më shumë temperaturën dhe i lëm të ziejnë sa të pijnë lëngjet e tyre.

Shtojmë vajin dhe rigonin dhe i lëm të ziejnë dhe 5 minuta. E heqim nga zjari.

E shërbejmë edhe si meze, vetëm, ose të shoqëruar me çfarë dëshirojmë.