Buka më e shijshme që keni provuar

Përbërsit

1 kg miell

300 ml qumësht i ngrohtë

300 ml ujë i ngrohtë

1 lugë supe sheqer

16 gr maja pluhur

1 ½ lugë supe kripë

50 ml vaj ulliri

1 vezë

Përgatitja

Në një enë hedhim qumështin dhe ujin e vakët, sheqerin, majanë dhe 2 lugë miell. I trazojmë dhe i lëmë të mbuluara 10 minuta për të aktivizuar majanë.

Pasi kanë kaluar 10 minuta shtojmë kripën, të bardhen e vezës dhe i trazojmë. Shtojmë miellin pjese pjese dhe formojmë brumin.

Ne fund hedhim pak vaj. E mbulojmë me membranë kuzhine dhe e lëmë të qetësohet 1 orë.

Pasi kalon 1 orë e ndajmë brumin në dy pjesë. Kjo sasi mielli është për 2 bukë.

Lyejm sipërfaqen e tavolinës me vaj, hedhim brumin dhe e punojmë me duar 2-3 minuta.

E ndajmë në 6 pjesë dhe formojmë 6 topa të vegjël.

Me çdo top formojmë me duar peta të vogla me diametër 10 cm dhe i palosim në tresh.

Pasi i kemi mbaruar i zgjatim ne nje gjatësi 30 cm, si litar.

Dy të parat i përdredhim me njëra tjetrën dhe formojmë një si kulaç, duke i mbledhur të dyja bashkë.

Katër të tjerat i bashkojmë nga njëra anë dhe formojmë një gërshet.

Pasi kemi bërë gërshetin e bashkojmë dhe nga fundi. E vendosim si kurorë tek kulaçi i parë.

E lëmë gjysëm ore të qetësohet.

Para se ta futim në furrë, e lyejm me të verdhën e vezës me pak vaj.

E pjekim në furrë të paranxehur në skarën e poshtme në 190 ◦C

Kur e nxjerim nga furra, e mbulojmë për 10 minuta me një pecetë.